Google ADS

Ekonomia e SHBA-së krijoi 1.8 milionë vende pune gjatë korrikut

07:43 | 8 Gusht 2020
Arbresh.info

Departamenti Amerikan i Punës deklaroi se ekonomia e SHBA vijoi të shënojë shifra të rimëkëmbjes pas goditjes që pësoi nga pandemia. Sipas të dhënave zyrtare, gjatë muajit korrik në SHBA u hapën mbi 1.8 milionë vende pune, shifër kjo më e ulët nga periudha maj-qershor dhe një tregues se rastet e reja me koronavirus po ngadalësojnë ritmin e punësimeve.

Ndërsa numri i rasteve me COVID-19 vazhdon të rritet në pjesën më të madhe të vendit, bizneset ndodhen nën presion dhe shumë punëdhënës po ngurojnë të punësojnë njerëz.

Sipas raportit të Departamentit të Punës ekonomia ka rikuperuar vetëm rreth 42 për qind të 22 milionë vendeve të punës që u mbyllën si pasojë e recesionit të shkaktuar nga pandemia gjatë 3 muajve të fundit.

Shkalla e papunësisë ra në muajin korrik nga 11.1 për qind në 10.2 për qind, por vazhdon të jetë më e lartë sesa niveli i papunësisë që u shënua gjatë recesionit të 2008-2009-s.

Shpërndaje në rrjete sociale

Lajmet më të lexuara

Të ngjashme

Foto lajm